 |
ສຈ.ປອ. ວີຈິດ ລຳໄຊ ວຸດທິການສຶກສາ: ປະລິນຍາເອກ ສາຂາວິຊາ, ລົງເລິກ: ພືດສາດ ຕຳແໜ່ງບໍລິຫານ:ຫົວໜ້າໜ່ວຍວິຊາ ຕໍາແໜ່ງວິຊາການ: ສາດສະດາຈານ |
|
§ ການສຶກສາ: |
· 1994-1997 ຈົບປະລິນຍາໂທ ສາຂາຊີວະວິທະຍາ ມະຫາວິທະຍາໄລຂອນແກ່ນ ປະເທດໄທ
|
|
§ ຂົງເຂດການຄົ້ນຄວ້າ: |
ຕົນເອງໄດ້ເປັນນັກຄົ້ນຄວ້າ ດ້ານການຈັດຈຳແນກພືດ ຫຼື ອະນຸກົມວິຖານພືດ ແລະ ການປະເມິນລັກສະນະທາງຊີວະວິທະຍາຂອງຊະນິດພືດ ຖືເປັນນັກຄົ້ນຄວ້າຄົນໜຶ່ງຂອງລາວໃນຂົງເຂດພືດສາດຂອງລາວ ກໍ່ຄືຂອງບັນດາປະເທດໃນອິນດູຈີນ (ລາວ ຫວຽດນາມ ກຳປູເຈຍ), ຕົນເອງໄດ້ຄົ້ນຄວ້າກ່ຽວກັບການປະເມິນຄວາມຢູ່ລອດຊອງຊະນິດ ປະເມີນຄວາມຫຼາກຫຼາຍ ແລະ ບົດບາດໜ້າທີ່ຂອງລະບົບນິເວດ ຕໍ່ກັບສິ່ງແວດລ້ອມ ແລະ ການນຳໃຊ້ຊັບພະຍາກອນທຳມະຊາດແບບຍືນຍົງ, ນອກຈາກນັ້ນ ຕົນເອງຍັງໄດ້ຄົ້ນຄວ້າເຖິງພູມປັນຍາຊາວບ້ານໃນການນຳໃຊ້ຊັບພະຍາກອອນທຳມະຊາດ ທີ່ເປັນການສືບທອດ ແລະ ການອະນຸລັກ ມູນມັງມໍລະດົກອັນລ້ຳຄ່າຂອງບັນພະບຸລູດຂອງລາວ. ອາຈານເຄີຍໄດ້ເປັນທີ່ປຶກສາລະດັບຊາດ ເປັນຄູຝຶກ ແລະ ຜູ້ປະກອບສ່ວນການຄົ້ນຄວ້າໃນຫຼາຍໂຄງການ ໃຫ້ແກ່ IUCN, UNDP, GIZ, WCS, WWF, WB, MORE, MOST, MOFA, WMPA, NAFRI, NUOL. ປະຈຸບັນ ຕົນເອງເຮັດວຽກຢູ່ມະຫາວິທະຍາໄລແຫ່ງຊາດ ໂດຍເປັນອາຈານສອນ ແລະ ນັກຄົ້ນຄວ້າໃນຂົງເຂດຄວາມຫຼາກຫຼາຍຂອງພືດ ແລະ ການອະນຸລັກຊີວະນາໆພັນຕັ້ງແຕ່ປີ 1983 ເປັນຕົ້ນມາ. ຕົນເອງໄດ້ມີຄວາມຊ່ຽວຊານດ້ານວິຊາພືດສາດ ແລະ ການປະເມີນລະບົບນິເວດພືດ ແລະ ເປັນຜູ້ມີປະສົບການສູງ ໃນການປະກອບສ່ວນໃນຂົງເຂດວຽກງານກ່ຽວກັບຄວາມຫຼາກຫຼາຍຂອງພືດໃນ ສປປ ລາວ, ຄຸນລັກສະນະທາງຊີວະວິທະຍາຂອງຊະນິດພືດ, ການປະເມີນ ແລະ ວິເຄາະລະບົບນິເວດຂອງພືດ ແລະ ປ່າໄມ້, ການນໍາໃຊ້ຊັບພະຍາກອນທຳມະຊາດແບບຍືນຍົງ ຕາມພູມປັນຍາຊາວບ້ານ, ການສຶກສາເຄື່ອງປ່າຂອງດົງໃນລາວ, ການຈໍາແນກແລະ ການກໍານົດຊະນິດພັນພືດໃໝ່, ປະເພດພືດທີ່ບັນທຶກໃໝ່ ໃນ ສປປ ລາວ. ມາຮອດ 2025 ຕົນເອງໄດ້ມີສ່ວນຮ່ວມໃນຫຼາຍກ່ວາ 35 ໂຄງການ ແລະ ຂຽນບົດຄວາມວິທະຍາສາດອອກເຜີຍແຜ່ຫຼາຍກວ່າ 50 ເລື້ອງ ແລະ ຍັງໄດ້ຮ່ວມມືກັບສະຖາບັນສາກົນໃນພາກສະຫນາມຂອງພືດເປັນລະບົບເຊັ່ນ: ສວນພຶກສາສາດເອດິນເບີກ ປະເທດສະກັອດແລນ, ສວນພືດສາດປະຫວັດສາດແຫ່ງຊາດ ທີ່ ປາຣີ ປະເທດຝຣັ່ງເສດ ແລະ ອື່ນໆ ເຊັ່ນ ສວນພືກສາສາດປະເທດໄອແລນ, ປະເທດຫວຽດນາມ, ປະເທດໄທ, ກຳປູເຈຍ ...ເຊັ່ນດຽວກັນກັບ ສະຖາບັນການຄົ້ນຄວ້າພາຍໃນປະເທດ ເຊັ່ນ ກົມປ່າໄມ້, ມະຫາວິທະຍາໄລ, ມະຫາວິທະຍາໄລສຸຂະພາບ, ສະຖາບັນຄົ້ນຄວ້າກະສິກຳ ປ່າໄມ້ ແລະ ພັດທະນາຊົນນະບົດແຫ່ງຊາດ, ສະຖາບັນຄົ້ນຄວ້າການແພດ ແລະ ການຢາພື້ນເມືອງ, ສະມາຄົມອະນຸລັກສັດປ່າ ແລະ ອື່ນໆ. ຕົນເອງໄດ້ຮັບກຽດສູງ ທີ່ໄດ້ຮັບລາງວັນນັກຄົ້ນຄວ້າດີເດັ່ນໃນສາຂາວິຊາພືດສາດ ຈາກ ມະຫາວິທະຍາໄລແຫ່ງຊາດ ຄົບຮອບ 20 ປີ ໃນປີ 2016 ແລະ ລາງວັນການຄົ້ນຄວ້າດີເດັ່ນດ້ານວິທະຍາສາດທຳມະຊາດ ຂອງ FNS ໃນປີ 2020 ແລະ ຂອງ NUOL ໃນປີ 2021. |
|
§ ຜົນງານການຄົ້ນຄ້ວາ |
ເລືອກພາສາຂອງທ່ານ
