ຄະນະວິທະຍາສາດທຳມະຊາດໄດ້ສ້າງຕັ້ງການຮ່ວມມືສາກົນຢ່າງກວ້າງຂວາງກັບບັນດາມະຫາວິທະຍາໄລ, ສະຖາບັນຄົ້ນຄວ້າ, ອົງການເພື່ອການພັດທະນາ ແລະ ອົງການຈັດຕັ້ງສາກົນຕ່າງໆ. ການເປັນຄູ່ຮ່ວມງານເຫຼົ່ານີ້ ໄດ້ສະໜັບສະໜູນການພັດທະນາວິຊາການ, ການຄົ້ນຄວ້າວິທະຍາສາດ, ການແລກປ່ຽນພະນັກງານ ແລະ ນັກສຶກສາ, ການປັບປຸງຫ້ອງທົດລອງ ແລະ ການສ້າງຂີດຄວາມສາມາດໃນລາວ.

ຄູ​ອາ​ຈານ​ໃນ​ຄະນະວິ​ທະ​ຍາ​ສາດ​ໄດ້ຮ່ວມມື ແລະ ແລກ​ປ່ຽນ​ບົດ​ຮຽນ ກັບ ສະຖາບັນ ແລະ ອົງການຈັດຕັ້ງຈາກຫຼາຍປະເທດ ເປັນຕົ້ນແມ່ນ:

• ສະວີເດັນ (Uppsala University, Umea University...)
• ຍີ່ປຸ່ນ (Nagoya University, Toyohashi Institute of Technology, Institute of Science Tokyo, Human Environment University, Fukuyama University, Okayama University... )
• ໄທ (Khon khaen University, Choulalongkorn University, Thammasat Universit​y, Khamphengphet Rasapat University, Mahasarakham University, Rajamangala University of Technology Tawan-ok, Mahidol University, Silpakorn University...)
• ຈີນ (Kunming University of Science and Technology, Qinghai Institute of Salt Lakes Chinese Academy of Sciences, Guizhou Medical University...)
• ຫວຽດນາມ ( The University of Science, Vietnam National University Ho Chi Minh City (VNUHCM-US),...)
• ສະໂລວາກີ (Slovak University of Technology in Bratislava)
• ອົດສະຕາລີ (Commonwealth Scientific and Industrial Research Organisation, CSIRO)
• ຝຣັ່ງ (Université de Picardie Jules Verne)
• ປໍ​ຕູ​ການ (University of Évora)
• ສາທາລະນະລັດ ເກົາຫຼີ  (Seoul National University, Joenbuk National University)
• ບັນດາປະເທດອື່ນໆໃນອາຊຽນ ແລະ ເອີຣົບ.

ກິດຈະກຳການຮ່ວມມືສາກົນ ລວມມີ:

• ໂຄງການຄົ້ນຄວ້າຮ່ວມກັນໃນດ້ານ ວິທະຍາສາດສິ່ງແວດລ້ອມ, ຊີວະນາໆພັນ, ເຄມີສາດ, ທໍລະນີສາດ ແລະ ເຕັກໂນໂລຊີຂໍ້ມູນຂ່າວສານ.
• ການພັດທະນາຫຼັກສູດ ແລະ ການປັບປຸງຄຸນນະພາບການສຶກສາ.
• ທຶນການສຶກສາ ແລະ ການຝຶກອົບຮົມຫຼັງປະລິນຍາຕີ ສຳລັບພະນັກງານ ແລະ ນັກສຶກສາ.
• ໂຄງການແລກປ່ຽນ ຄູ-ອາຈານ, ນັກວິໄຈ ແລະ ນັກສຶກສາ.
• ການພັດທະນາຫ້ອງທົດລອງ ແລະ ການສະໜັບສະໜູນອຸປະກອນວິທະຍາສາດ.
• ການຈັດກອງປະຊຸມສາກົນ, ກອງປະຊຸມສໍາມະນາ ແລະ ບົດຝຶກອົບຮົມຕ່າງໆ.
• ການສ້າງຂີດຄວາມສາມາດໃນການສຶກສາວິທະຍາສາດ ແລະ ວິທີວິທະຍາການຄົ້ນຄວ້າ.
• ການຮ່ວມມືສຳຫຼວດພາກສະໜາມ ແລະ ການສຶກສາດ້ານສິ່ງແວດລ້ອມ.

ຄະນະຍັງໄດ້ຮ່ວມມື ແລະ ເຂົ້າ​ຮ່ວມ​ໃນ​ກິດ​ຈະ​ກຳ​ຕ່າງໆ​ຂ​ອງ​ໂຄງ​ການ​ສະ​ໜັບ​ສະ​ໜູນ​ໂດຍ ອົງການຈັດຕັ້ງສາກົນ ແລະ ຄູ່ຮ່ວມງານເພື່ອການພັດທະນາ ເຊັ່ນ:

• ທະນາຄານໂລກ (The World Bank).
• ອາຊຽນ ແລະ ເຄືອຂ່າຍມະຫາວິທະຍາໄລອາຊຽນ (AUN).
• ອົງການຢູເນສໂກ (UNESCO).
• ອົງການJICA, ອົງການKOICA
• ອົງການຈັດຕັ້ງສາກົນທີ່ບໍ່ສັງກັດລັດຖະບານ ແລະ ອົງການ​ອານຸລັກຕ່າງໆ.

ການຮ່ວມມືເຫຼົ່ານີ້ໄດ້ປະກອບສ່ວນຢ່າງສຳຄັນເຂົ້າໃນ:

• ການເສີມສ້າງຂີດຄວາມສາມາດໃນການຄົ້ນຄວ້າວິທະຍາສາດ.
• ການປັບປຸງຄຸນນະພາບການສຶກສາຊັ້ນສູງ.
• ການຂະຫຍາຍເຄືອຂ່າຍວິຊາການສາກົນ.
• ການສະໜັບສະໜູນການພັດທະນາແບບຍືນຍົງ ແລະ ການຄຸ້ມຄອງສິ່ງແວດລ້ອມໃນລາວ.
• ການຍົກລະດັບນະວັດຕະກຳດິຈິຕອນ ແລະ ວິທະຍາສາດ.

ໂດຍຜ່ານການຮ່ວມມືສາກົນ, ຄະນະວິທະຍາສາດທຳມະຊາດ ຍັງສືບຕໍ່ປັບປຸງມາດຕະຖານວິຊາການ, ປະສິດທິຜົນຂອງການຄົ້ນຄວ້າ ແລະ ການປະກອບສ່ວນເຂົ້າໃນການພັດທະນາລະດັບຊາດ ແລະ ພາກພື້ນ.