ສິ່ງອຳນວຍຄວາມສະດວກ

ຄະນະວິທະຍາສາດທຳມະຊາດ ມີສິ່ງອຳນວຍຄວາມສະດວກ ແລະ ໂຄງລ່າງພື້ນຖານດ້ານຕ່າງໆ ເພື່ອສະໜັບສະໜູນການສຶກສາ, ການຄົ້ນຄວ້າວິທະຍາສາດ ແລະ ການບໍລິການທາງດ້ານວິຊາການ. ສິ່ງອຳນວຍຄວາມສະດວກເຫຼົ່ານີ້ ໄດ້ຊ່ວຍປັບປຸງຄຸນນະພາບການຮຽນ-ການສອນ, ການຝຶກປະຕິບັດຕົວຈິງ ແລະ ຂີດຄວາມສາມາດໃນການຄົ້ນຄວ້າໃຫ້ແກ່ນັກສຶກສາ ແລະ ພະນັກງານຄູ-ອາຈານ.

ສິ່ງອຳນວຍຄວາມສະດວກດ້ານການສຶກສາ ແລະ ການຄົ້ນຄວ້າທີ່ສຳຄັນ ລວມມີ:

ຫ້ອງຮຽນ: ສຳລັບການບັນຍາຍ, ການສໍາມະນາ ແລະ ກິດຈະກຳການຮຽນຮູ້ຂອງນັກສຶກສາ.
ຫ້ອງທົດລອງວິທະຍາສາດ: ສຳລັບວິຊາເຄມີສາດ, ຊີວະສາດ, ຟີຊິກສາດ, ເຄມີສິ່ງແວດລ້ອມ, ທໍລະນີສາດ ແລະ ວິທະຍາສາດຄອມພິວເຕີ.
ຫ້ອງຄອມພິວເຕີ ແລະ ສິ່ງອຳນວຍຄວາມສະດວກດ້ານ ICT: ສຳລັບການຂຽນໂປຣແກຣມ, ການວິເຄາະຂໍ້ມູນທາງຄະນິດສາດ ແລະ ສະຖິຕິ, ການສ້າງແບບຈຳລອງ ແລະ ການຮຽນຮູ້ລະບົບດິຈິຕອນ.
ຫ້ອງທົດລອງເພື່ອການຄົ້ນຄວ້າ: ສຳລັບການທົດລອງທາງວິທະຍາສາດ, ການວິເຄາະຕົວຢ່າງ ແລະ ໂຄງການຄົ້ນຄວ້າປະຍຸກຕ່າງໆ.
ອຸປະກອນການທົດລອງ ແລະ ການວິເຄາະ: ສຳລັບການສຶກສາດ້ານເຄມີ, ຊີວະສາດ, ທໍລະນີສາດ ແລະ ສິ່ງແວດລ້ອມ.
ເຄື່ອງມືວັດແທກ: ສຳລັບການວິເຄາະຄຸນນະພາບນ້ຳ, ດິນ, ນ້ຳເປື້ອນ ແລະ ສິ່ງແວດລ້ອມ.
ອຸປະກອນພາກສະໜາມ: ສຳລັບການສຳຫຼວດຊີວະນາໆພັນ, ກ້ອງຖ່າຍຮູບ, Camera trap ແລະ ການຄົ້ນຄວ້າພາກສະໜາມດ້ານຊີວະສາດ ແລະ ທໍລະນີສາດ.
ຫໍສະໝຸດ ແລະ ແຫຼ່ງຂໍ້ມູນການຮຽນຮູ້: ສຳລັບການສຶກສາ ແລະ ການຄົ້ນຄວ້າທາງວິທະຍາສາດ.
ຫ້ອງປະຊຸມ: ສຳລັບການສົນທະນາທາງວິຊາການ, ການຝຶກອົບຮົມ ແລະ ກອງປະຊຸມຕ່າງໆ.
ຫ້ອງເກັບມ້ຽນ ແລະ ບ່ອນຈັດຕຽມ: ສຳລັບວັດສະດຸຫ້ອງທົດລອງ ແລະ ເຄື່ອງມືວິທະຍາສາດ.
ຫ້ອງເກັບມ້ຽນຕົວຢ່າງຕົວຢ່າງພັນພືດ ແລະ ສັດ

ຄະນະໄດ້ມີການປັບປຸງສິ່ງອຳນວຍຄວາມສະດວກຂອງຕົນຢ່າງຕໍ່ເນື່ອງ ໂດຍຜ່ານການສະໜັບສະໜູນຈາກລັດຖະບານ, ໂຄງການຮ່ວມມືສາກົນ ແລະ ຄູ່ຮ່ວມງານເພື່ອການພັດທະນາ. ໂຄງລ່າງພື້ນຖານດ້ານຫ້ອງທົດລອງ ແລະ ການຄົ້ນຄວ້າ ໄດ້ຮັບການຂະຫຍາຍຕົວເທື່ອລະກ້າວ ເພື່ອສະໜັບສະໜູນການສຶກສາພາກປະຕິບັດ, ການຄົ້ນຄວ້າຫຼັງປະລິນຍາຕີ, ແລະ ການບໍລິການວິທະຍາສາດໃຫ້ແກ່ສັງຄົມ.

ເຖິງວ່າຄະນະມີສິ່ງອຳນວຍຄວາມສະດວກ ທີ່ເປັນສະຖາບັນໜຶ່ງໃນການສຶກສາ ແລະ ການຄົ້ນຄວ້າວິທະຍາສາດຊັ້ນນຳ ໃນ ສປປ ລາວ, ເຄື່ອງມື ແລະ ສິ່ງອຳນວຍຄວາມສະດວກທີ່ທັນສະໄໝຫຼາຍຢ່າງ ຍັງຄົງມີຄວາມຈຳເປັນຕ້ອງໄດ້ຮັບການຍົກລະດັບເພື່ອທຽບທັນກັບການສຶກສາ ແລະ ການຄົ້ນຄວ້າໃນລະດັບພາກພື້ນ ແລະ ສາກົນ.