1.ພາລະບົດບາດລວມຂອງພະແນກ

ພະແນກຄົ້ນຄວ້າວິທະຍາສາດ ແລະ ບໍລິການວິຊາການ ມີພາລະບົດບາດເປັນເສນາທິການໃຫ້ແກ່ທ່ານ ຫົວໜ້າຄະນະວິຊາ ໃນດ້ານການຄຸ້ມຄອງ, ການສົ່ງເສີມວຽກງານຄົ້ນຄວ້າວິທະຍາສາດ ແລະ ບໍລິການວິຊາການ, ການຮ່ວມມື, ການສ້າງແຜນການ ແລະ ສ້າງເງື່ອນໄຂໃນການຍົກລະດັບຂອງບຸກຄະລາກອນເພື່ອພັດທະນາຄຸນນະພາບດ້ານການຄົ້ນຄວ້າວິທະຍາສາດ ແລະ ໃຫ້ບໍລິການວິຊາການແກ່ສັງຄົມ.

2.        ໜ້າທີ່

2.1    ໜ່ວຍ​ງານ​ວ​ຽກງານຄຸ້ມຄອງ ແລະ ສົ່ງເສີມການຄົ້ນຄວ້າວິທະຍາສາດ ມີໜ້າທີ່ດັ່ງນີ້:

1.     ຄົ້ນຄວ້າ, ຮ່າງ ແລະ ເຊັນເອກະສານທີ່ກ່ຽວຂ້ອງການຄົ້ນຄວ້າວິທະຍາສາດ ຫຼື ນໍາສະເໜີ ໃຫ້ຄະນະນໍາມີຄໍາເຫັນ /ລົງລາຍເຊັນ;

2.     ຄົ້ນຄວ້າລະບຽບ, ຫຼັກການ, ນິຕິກໍາ ແລະ ຂໍ້ກຳນົດຕ່າງໆ ກ່ຽວກັບວຽກງານຄົ້ນຄວ້າວິທະຍາສາດ;

3.     ແຈ້ງການເປີດຮັບບົດສະເໜີໂຄງການຄົ້ນຄວ້າພາຍໃຕ້ແຫຼ່ງທຶນຕ່າງໆ ຕາມແຈ້ງການຂອງຂັ້ນເທິງ;

4.     ຈັດຕັ້ງກອງປະຊຸມຜ່ານ, ຄັດເລືອກ ຫຼື ຈັດບຸລິມະສິດບົດສະເໜີໂຄງການຄົ້ນຄວ້າວິທະຍາສາດ ຂັ້ນຄະນະວິຊາ;

5.     ນໍາສະສົ່ງບົດສະເໜີໂຄງການຂອງນັກຄົ້ນຄວ້າທີ່ໄດ້ຮັບຄັດເລືອກ ຫຼື ຈັດບຸລິມະສິດຂັ້ນຄະນະວິຊາ ໃຫ້ ມະຫາວິທະຍາໄລແຫ່ງຊາດ;

6.     ຕິດຕາມການດໍາເນີນການຄົ້ນຄວ້າຂອງຄູອາຈານ, ນັກຄົ້ນຄວ້າ ທີ່ໄດ້ຮັບທຶນຄົ້ນຄວ້າພາຍໃຕ້ແຫຼ່ງທຶນຕ່າງໆ;

7.     ຂຶ້ນແຜນ, ຈັດກອງປະຊຸມ ແລະ ວາງສະແດງເຜີຍແຜ່ຜົນຂອງການຄົ້ນຄວ້າວິທະຍາສາດຂອງນັກຄົ້ນຄວ້າແລະ ຄູ-ອາຈານໃນຄະນະວິຊາໃຫ້ພະນັກງານ, ຄູ-ອາຈານ ທັງພາຍໃນກໍ່ຄືສັງຄົມຮັບຮູ້;

8.     ຮີບໂຮມສັງລວມບົດຄົ້ນຄວ້າວິທະຍາສາດ ແລະ ບົດຕີພິມລົງວາລະສານຕ່າງໆ ຂອງນັກຄົ້ນຄວ້າ ແລະ ຄູອາຈານໃນຄະນະວິທະຍາສາດທໍາມະຊາດເພື່ອລາຍງານໃຫ້ຂັ້ນເທິງ ແລະ ພາກສ່ວນກ່ຽວຂ້ອງຮັບຊາບ;

9.   ອອກໜັງສືແຈ້ງການເປີດຮັບບົດຄົ້ນຄວ້າ ເພື່ອຕີພິມໃນວາລະສານວິທະຍາສາດ ແລະ ເຕັກໂນໂລຊີ, ແຈ້ງການຊໍາລະຄ່າຕີພິມ, ຮັບເງິນຄ່າຕີພິມ, ບໍລິຫານເງິນຮັບໃຊ້ວຽກຕ່າງໆທີ່ກ່ຽວຂ້ອງ, ອອກໃບຢັ້ງຢືນການຕີພິມ ແລະ ການກວດແກ້, ພິມປຶ້ມວາລະສານ;

10.  ເບິ່ງພາບລວມ, ແນະນໍາແຕ່ລະໜ້າວຽກ, ກວດກາການດໍາເນີນໜ້າວຽກ ແລະ ຄວາມຖືກຕ້ອງຕ່າງໆ ທາງດ້ານຂັ້ນຕອນການສົ່ງບົດຄົ້ນຄວ້າ, ສ້າງໂປສເຕີໂຄສະນາ, ກວດໂຄງສ້າງບົດຄົ້ນຄວ້າ ແລະ ການປັບປຸງບົດຄົ້ນຄວ້າຕາມໂຄງສ້າງ, ສົ່ງບົດຄົ້ນຄວ້າໃຫ້ຜູ້ກວດແກ້ຕາມການມອບໝາຍຂອງຄະນະຮັບຜິດຊອບດ້ານເນື້ອໃນ ແລະ ສົ່ງຄໍາແນະນໍາຈາກຜູ້ກວດແກ້ໃຫ້ນັກຄົ້ນຄວ້າ, ສົ່ງ-ຮັບບົດຄົ້ນຄວ້າທີ່ປັບປຸງຫຼ້າສຸດກ່ອນການອັບໂລດລົງວາລະສານໃຫ້ຄະນະຮັບຜິດຊອບດ້ານເນື້ອໃນ, ອັບໂລດວາລະສານລົງເວັບໄຊ, ປັບປຸງໜ້າປົກປຶ້ມ, ຄຸ້ມຄອງດູແລເວັບໄຊ

11.  ປະຕິບັດໜ້າທີ່ອື່ນໆທີ່ກ່ຽວຂ້ອງ ຫຼື ຕາມການມອບໝາຍ.

2.2     ໜ່ວຍງານບໍລິການວິຊາການມີໜ້າທີ່ດັ່ງນີ້:

1.     ຄົ້ນຄວ້າ, ຮ່າງ ແລະ ເຊັນເອກະສານທີ່ກ່ຽວຂ້ອງກັບວຽກງານບໍລິການວິຊາການ ຫຼື ນໍາສະເໜີ ໃຫ້ຄະນະນໍາມີຄໍາເຫັນ /ລົງລາຍເຊັນ;

2.     ຄົ້ນຄວ້າລະບຽບ, ຫຼັກການ, ນິຕິກໍາ ແລະ ຂໍ້ກຳນົດຕ່າງໆ ກ່ຽວກັບວຽກງານບໍລິການວິຊາການ ເຊັ່ນ: ວິທີການແບ່ງປັນລາຍຮັບ, ການຖອກພັນທະ ແລະ ວິທີການຄຸ້ມຄອງການໃຫ້ບໍລິການວິຊາການຕ່າງໆ;

3.     ຕິດຕາມການບໍລິການ, ການຖອກພັນທະຂອງຜູ້ໄປບໍລິການ, ເກັບກໍາ ແລະ ບັນທຶກຂໍ້ມູນເງິນບໍລິການວິຊາການ;

4.     ປະສານສົມທົບກັບພາກສ່ວນທີ່ກ່ຽວຂ້ອງເພື່ອຫາວິທີຄຸ້ມຄອງດ້ານລິຂະສິດທາງວິຊາການທີ່ເປັນຜົນງານຂອງນັກຄົ້ນຄວ້າ ແລະ ຄູ-ອາຈານ ໃນຄະນະວິທະຍາສາດທໍາມະຊາດ;

5.     ພົວພັນ ແລະ ປະສານສົບທົບກັບອົງກອນຕ່າງໆທັງພາກລັດ ແລະ ເອກະຊົນ ທີ່ມີຄວາມສົນໃຈ ແລະ ຕ້ອງການໃຊ້ການບໍລິການວິຊາການຂອງນັກຄົ້ນຄວ້າ ແລະ ຄູ-ອາຈານໃນຄະນະວິທະຍາສາດທໍາມະຊາດ, ເພື່ອນຳສະເໜີຄະນະນໍາຄະນະວິທະຍາສາດທໍາມະຊາດພິຈາລະນາເຖິງຄວາມເປັນໄປໄດ້ໃນການເຊັນສັນຍາຮ່ວມມືດ້ານບໍລິການວິຊາການ;

6.     ຊຸກຍູ້ສົ່ງເສີມໃຫ້ຄູ-ອາຈານໃນຄະນະວິທະຍາສາດທໍາມະຊາດເຮັດໜ້າທີ່ໃຫ້ບໍລິການວິຊາການແກ່ສັງຄົມ, ພ້ອມທັງຕິດຕາມ ແລະ ຊຸກຍູ້ການຖອກພັນທະຕາມອັດຕາທີ່ໄດ້ກໍານົດດ້ານໃນນິຕິກໍາ;

7.     ຊຸກຍູ້ ສົ່ງເສີມໃຫ້ຄູ-ອາຈານໃນຄະນະວິທະຍາສາດທໍາມະຊາດຂຽນ ແລະ ຮຽບຮຽງເອກະ ສານ, ປື້ມຕໍາລາຮັບໃຊ້ໃຫ້ແກ່ການຮຽນ-ການສອນລະດັບຕ່າງໆ, ເອກະສານກ່ຽວກັບວິທະຍາສາດ ແລະ ເຕັກໂນໂລຊີ ເພື່ອຈັດພິມຈໍາໜ່າຍໃຫ້ແກ່ສັງຄົມ;

8.     ສົບທົບກັບພາກວິຊາໃນການຄົ້ນຫາ ແລະ ນໍາໃຊ້ທ່າແຮງທີ່ມີຢູ່ໃນພາກວິຊາກໍ່ຄືໃນຄະນະວິຊາເພື່ອເປີດໃຫ້ບໍລິການວິຊາການດ້ານຕ່າງໆ, ສ້າງຜະລິດຕະພັນວິທະຍາສາດ ແລະ ນະວັດຕະກໍາເພື່ອຈັດຈຳໜ່າຍໃຫ້ແກ່ສັງຄົມ;

9.     ເກັບກຳ, ປະເມີນ ແລະ ຖອດຖອນບົດຮຽນ ກ່ຽວກັບການຈັດຕັ້ງປະຕິບັດການໃຫ້ບໍລິການວິຊາການຕາມໂຄງການຕ່າງໆພາຍໃນຄະນະວິທະຍາສາດທໍາມະຊາດ;

10.  ປະຕິບັດໜ້າທີ່ອື່ນໆທີ່ກ່ຽວຂ້ອງ ຫຼື ຕາມການມອບໝາຍ.

2.3    ໜ່ວຍງານຮ່ວມມື ແລະ ພົວພັນຕ່າງປະເທດມີໜ້າທີ່ດັ່ງນີ້:

1.     ຄົ້ນຄວ້າ, ຮ່າງ ແລະ ເຊັນເອກະສານທີ່ກ່ຽວຂ້ອງກັບວຽກງານຮ່ວມມື ແລະ ພົວພັນຕ່າງປະເທດ ຫຼື ນໍາສະເໜີ ໃຫ້ຄະນະນໍາມີຄໍາເຫັນ /ລົງລາຍເຊັນ;

2.     ກະກຽມຮ່າງເອກະສານການຮ່ວມມືລະດັບຕ່າງໆ, ພ້ອມທັງດໍາເນີນເອກະສານການຂໍອະນຸມັດຕາມແຕ່ລະຂັ້ນຕອນ ໃຫ້ແກ່ຄະນະບໍດີເພື່ອເຊັນສັນຍາໃນລະດັບ MOU ຫຼື MOA ຂອງການຮ່ວມມືກັບພາຍໃນ, ພາຍນອກ ແລະ ກັບຕ່າງປະເທດ;

3.     ຕິດຕໍ່ປະສານງານໃນລາຍລະອຽດກັບພາກສ່ວນຕ່າງໆທັງພາຍໃນ ແລະ ຕ່າງປະເທດທີ່ມີຈຸດປະສົງມາຢ້ຽມຢາມ ແລະ ເຮັດວຽກຢູ່ຄະນະວິທະຍາສາດທໍາມະຊາດ;

4.     ຈັດກອງປະຊຸມພົບປະ ແລະ ແລກປ່ຽນວຽກງານຮ່ວມມືກັບພາກສ່ວນຕ່າງໆ;

5.     ຈັດຕັ້ງ ແລະ ເຂົ້າຮ່ວມພິທີເຊັນສັນຍາຮ່ວມມືກັບພາກສ່ວນຕ່າງໆ, ຕິດຕາມ ແລະ ເຂົ້າຮ່ວມກິດຈະກໍາການຮ່ວມມືຕ່າງໆທີ່ກ່ຽວຂ້ອງ;

6.     ແຈ້ງການທຶນແລກປ່ຽນ, ການຝຶກອົບຮົມໄລຍະສັ້ນ-ໄລຍະຍາວ, ເອກະສານນໍາສົ່ງ,  ສະໜອງຂໍ້ມູນ, ດໍາເນີນ ແລະ ອໍານວຍຄວາມສະດວກເອກະສານຕ່າງໆ ທີ່ກ່ຽວຂ້ອງ;

7.     ດຳເນີນເອກະສານຂໍອະມັດໃຫ້ແກ່ ຄູ-ອາຈານ ແລະ ພະນັກງານໃນຄະນະວິຊາ ທີ່ເດີນທາງໄປປະຊຸມ, ສຳມະນາຝຶກອົບຮົມ ຫຼື ໄປຍົກລະດັບການສຶກສາຢູ່ທັງພາຍໃນ ແລະ ຕ່າງປະເທດ;

8.     ດຳເນີນເອກະສານການຂໍວີຊາ, ການຂໍບັດພັກເຊົາ, ການຂໍອະນຸມັດເຮັດວຽກ ແລະ ອື່ນໆ ໃຫ້ແກ່ຊ່ຽວຊານ, ອາສາສະມັກ, ນັກສຶກສາ ທີ່ເຂົ້າມາເຄື່ອນໄຫວວຽກງານວິຊາການ, ການເຮັດວິໄຈ, ມາຝຶກອົບຮົມໃຫ້ຄູ-ອາຈານ ແລະ ມາຊ່ວຍສິດສອນຢູ່ໃນຄະນະວິທະຍາສາດທໍາມະຊາດ;

9.     ເກັບກຳສະຖິຕິກ່ຽວກັບວຽກງານດ້ານການຮ່ວມມືກັບພາກສ່ວນຕ່າງໆທັງພາຍໃນ, ຕ່າງປະເທດ ແລະ ສາກົນເພື່ອລາຍງານຂັ້ນເທິງ.

10.  ປະຕິບັດໜ້າທີ່ອື່ນໆທີ່ກ່ຽວຂ້ອງ ຫຼື ຕາມການມອບໝາຍ.

5.     ກົງຈັກ ແລະ ບຸກຄະລາກອນ

ຮອງຫົວໜ້າພະແນກ​	ຮອງຫົວໜ້າພະແນກ
ຮ​ສ. ທ​ອງ​ສຸກ ໄຊ​ບຸນ​ເຮືອງ​	ຊ​ອ. ນ. ອິນ​ນາ​ວັນ ນາມ​ຄາ​ລັກ​