ວາລະສານວິທະຍາສາດ ແລະ ເຕັກໂນໂລຊີ (Lao J. Sci. Technol.) ເປັນວາລະສານທີ່ຮັບຕີພິມບົດຄົ້ນຄວ້າວິທະຍາສາດ ​ທີ່​ເປັນ​ເອ​ກະ​ລັກ, ມີມາດຕະຖານ ແລະ ຄຸນນະພາບສູງ ​ໃນດ້ານ​ວິທະຍາສາດສົດ, ວິທະຍາສາດນຳ​ໃຊ້​ ແລະ ເຕັກໂນໂລຊີ ເຊິ່ງ​ລວມມີສາ​ຂາ​​ຄະນິດສາດ, ສະຖິຕິ, ຟີຊິກສາດ, ເຄມີສາດ, ຊີວະວິທະຍາ, ວິທະຍາສາດຄອມພິວເຕີ, ເຕັກໂນໂລຊີ ແລະ ນະວັດຕະກຳ, ​ຊີວະນາໆ​ພັນ​, ສິ່ງແວດລ້ອມ ແລະ ສາຂາອື່ນໆທີ່ກ່ຽວຂ້ອງ. ວາລະສານນີ້ຈະໄດ້ຈັດພິມປີລະ 2 ສະ​ບັບ ໂດຍຄະນະວິທະຍາສາດທຳມະຊາດ, ມະຫາວິທະຍາໄລແຫ່ງຊາດ ເຊິ່ງ​ຮັບ​ບົດຄົ້ນຄວ້າເປັນ​ພາສາລາວ ຫຼື ພາສາອັງກິດ. ບົດຄົ້ນຄວ້າທີ່ສົ່ງມາຈະໄດ້ຮັບການ​ທົບ​ທວນ​ກວດ​ແກ້​ຈາກຜູ້ຊ່ຽວຊານອິດສະຫຼະຢ່າງໜ້ອຍ 2 ທ່ານ ໃນສາຂາທີ່ກ່ຽວຂ້ອງ. ວາລະສານນີ້ຫ້າມຢ່າງເດັດ​ຂາດ​ໃນການຈັດພິມບົດຄົ້ນຄວ້າທີ່ເຄີຍຈັດພິມມາ​ແລ້ວ ຫຼື ກຳລັງຢູ່ໃນຂັ້ນຕອນການພິຈາລະນາຕີ​ພິມ​ຢູ່ບ່ອນອື່ນ. ຜູ້ຂຽນຕ້ອງປະຕິບັດຕາມ ຄຳແນະນຳສຳລັບຜູ້ຂຽນ ແລະ ຈັນຍາບັນການຈັດພິມຂອງວາລະສານວິທະຍາສາດ ແລະ ເຕັກໂນໂລຊີ. 

ວາລະສານວິທະຍາສາດ ແລະ ເຕັກໂນໂລຊີ

ISSN: 3106-0587 | E-ISSN: 3106-0595

Website: https://ljst.sjnl.la/

ຈຳ​ນວນ​ຄັ້ງ​ໃນ​ການຈັດພິມ

ປີໜຶ່ງ 2 ສະບັບ:
    ສະບັບທີ 1: ເດືອນມັງກອນ ຫາ ເດືອນມິຖຸນາ
    ສະບັບທີ 2: ເດືອນກໍລະກົດ ຫາ ເດືອນທັນວາ