1.     ວິໄສທັດ

ຄະນະວິທະຍາສາດທຳມະຊາດຈະເປັນ ສູນກາງທາງດ້ານການສຶກສາ ແລະ ການຄົ້ນຄວ້າວິທະຍາສາດ, ເຕັກໂນໂລຊີ ແລະ ນະວັດຕະກຳ ທີ່​ນຳ​​ໜ້າຂ​ອງ​ຊາດ, ທຽບເທົ່າກັບພາກພື້້ນ ແລະ ສາກົນ.

2.     ຄຳຂວັນ

“ມຸ່ງໝັ້ນສູ່ຄວາມເປັນເລີດທາງດ້ານວິຊາການ, ຈັດການຄົ້ນຄວ້າວິທະຍາສາດເຕັກໂນໂລຊີ, ມີນະວັດຕະກຳທີ່ທັນສະໄໝ ແລະ ໃຫ້ບໍລິການແກ່ສັງຄົມ”

3.    ພາລະບົດບາດ ແລະ ໜ້າທີ່:

1)    ສ້າງ ແລະ ພັດທະນາຊັບພະຍາກອນມະນຸດໃຫ້ກາຍເປັນນັກວິຊາການ, ນັກຄົ້ນຄວ້າວິທະຍາສາດ ແລະ ນັກບໍລິຫານ ທີ່ມີຄຸນນະພາບທາງດ້ານຄວາມຮູ້, ຄວາມສາມາດ, ມີຄຸນສົມບັດ, ມີວິໄນ, ມີຫົວຄິດປະດິດສ້າງ ແລະ ມີຄວາມສີວິໄລທາງດ້ານຈິດໃຈ, ໃຫ້ຄະນະວິທະຍາສາດທໍາມະຊາດເປັນທີ່ຍອມຮັບຂອງສັງຄົມລາວ ແລະ ສາກົນ.

2)    ດໍາເນີນ ແລະ ສົ່ງເສີມການຄົ້ນຄວ້າວິທະຍາສາດໃຫ້ມີຄຸນ​ນະ​ພາບ ແລະ ມາດຕະຖານທຽບເທົ່າພາກພື້ນ ແລະ ສາກົນ ​ເພື່ອຕອບສະໜອງ ການພັດທະນາເສດຖະກິດ - ສັງຄົມຂອງຊາດ ແລະ ເຜີຍແຜ່ຜົນສໍາເລັດຂອງການຄົ້ນຄວ້າວິທະຍາສາດ.

3)    ບໍລິການທາງດ້ານວິຊາການທີີ່່ມີປະສິດທິພາບ ແລະ ປະ​ສິດ​ທິ​ຜົນ ເພື່ອຕອບສະໜອງໃຫ້ແກ່່ສັງຄົມ.

4)    ປົກປັກຮັກສາ ແລະ ເສີມຂະຫຍາຍມູນເຊື້ອວັດທະນະທໍາ ຮີດຄອງປະເພນີອັນດີງາມຂອງຊາດ, ພ້ອມທັງເລືອກເຟັ້ນ ແລະ ຮັບເອົາວັດທະນະທໍາທີ່ກ້າວໜ້າ ແລະ ຍອດຍິ່ງຂອງສາກົນເຂົ້າໃນການພັດທະນາ.

4.    ຈຸດໝາຍລວມ:

1)    ຍົກລະດັບຄວາມຮູ້ຄວາມສາມາດຂອງຄູ - ອາຈານ, ພະນັກງານໃຫ້ກາຍເປັນຜູ້ມີຄວາມສາມາດ ເຖິງເປັນຜູ້ຊ່ຽວຊານທາງດ້ານວິຊາສະເພາະ ແລະ ໃນໜ້າທີ່ຮັບຜິດຊອບ.

2)    ສ້າງນັກສຶກສາກາຍເປັນນັກວິຊາການ ທີ່ມີຄຸນສົມບັດ, ມີຄວາມສີວິໄລທາງດ້ານຈິດໃຈ, ມີຄຸນນະພາບທາງດ້ານຄວາມຮູ້ ແລະ ຄວາມສາມາດຢູ່ໃນລະດັບນໍາໜ້າຂອງຊາດ ແລະ ໃຫ້ກ້າວເຂົ້າສູ່ລະດັບພາກພື້ນ ແລະ ສາກົນ.

3)    ຍົກລະດັບ ມາດຕະຖານ​ດ້ານວິຊາ​ການ ແລະ ການ​ຄົ້ນຄວ້າ​ວິທະຍາສາດ​, ເຕັກໂນໂລຊີ ແລະ ນະວັດຕະກຳ ຂອງຄະນະວິຊາໃຫ້ທຽບເທົ່າພາກ​ພື້ນ​ ແລະ​ ສາກົນ.

4)    ພັດທະນາລະບົບບໍລິຫານຄຸ້ມຄອງ ຂອງຄະ​ນະ​ວິ​ທະ​ຍາ​ສາດ​ທຳ​ມະ​ຊາດ​ ​ ໃຫ້ມີປະສິດທິພາບ ແລະ ປະສິດທິຜົນ, ວ່ອງໄວກະທັດຮັດ ແລະ ມີຄວາມທັນສະໄໝ.

5)    ພັດທະນາຄະ​ນະ​ວິ​ທະ​ຍາ​ສາດ​ທຳ​ມະ​ຊາດ ໃຫ້ເປັນພື້ນທີ່ສະອາດ, ສີຂຽວ, ມີພື້ນຖານໂຄງລ່າງ, ເຄື່ອງມື, ວັດຖຸອຸປະກອນ ແລະ ເຕັກໂນໂລຊີທີ່ກ້າວໜ້າທັນສະໄໝ ເພື່ອຮັບໃຊ້ການສຶກສາ ແລະ ການ​ຄົ້ນ​ຄວ້າວິ​ທະ​ຍາ​ສາດ​​​.