Finance and Asset Division

ຄວາມເປັນມາ

ພະແນກການເງິນ-ຊັບສີນເປັນໜຶ່ງໃນພະແນກບໍລິຫານຂອງຄະນະວິຊາ ຊຶ່ງຖືກສ້າງຕັ້ງຂື້ນໃນປີ 2009 ຕາມຂະບວນການປັບປຸງການຈັດຕັ້ງຂອງຄະນະວິຊາ ໂດຍໄດ້ແຍກອອກຈາກການເປັນໜ່ວຍງານໜຶ່ງຂອງພະແນກບໍລິຫານສັງລວມໃນເມື່ອກ່ອນ.

ວິໄສທັດ

ປະຕິບັດວຽກງານດ້ວຍຄວາມຖືກຕ້ອງ, ຊື່ສັດ, ໂປ່ງໃສ ແລະ ທັນສະໄໝ

ພາລະບົດບາດ

ເປັນເສນາທິການໃຫ້ແກ່ຄະນະບໍດີກ່ຽວກັບການຄຸ້ມຄອງງົບປະມານ-ການເງີນຈາກທຸກແຫລ່ງທືນ, ການຄຸ້ມຄອງສັບສິນຂອງລັດ, ການຈັດຊື້ຈັດຈ້າງຂອງຄະນະວິຊາ ບົນພື້ນຖານນະໂຍບາຍ, ຂໍ້ກຳນົດ, ກົດລະບຽບ, ດຳລັດຕ່າງໆ ແລະ ກົດໝາຍຂອງ ສ.ປ.ປ.ລ.

ຊີ້ນຳ, ນຳພາວຽກງານຮອບດ້ານຂອງພະແນກ: ວຽກງານແຜນການແລະງົບປະມານ, ວຽກງານເກັບລາຍຮັບ, ວຽກງານການບັນຊີ, ວຽກງານຄັງເງິນສົດ, ວຽກງານຈົດຮັບ-ຈົດຈ່າຍ, ວຽກງານສັບສິນ.

ໜ້າທີ່

ຄຸ້ມຄອງການເງິນຕາມລະບຽບກົດໝາຍດ້ານການເງິນ ແລະ ຕາມຂໍ້ກຳນົດຂອງມະຫາວິທະຍາໄລແຫ່ງຊາດຢ່າງເຂັ້ມງວດ.
ສ້າງແຜນງົບປະມານປະຈຳເດືອນ, ງວດ ແລະ ປະຈຳປີຕາມລະບຽບທາງດ້ານການເງິນໃຫ້ຖືກຕ້ອງ ແລະ ທັນເວລາ.
ຕິດຕາມ, ກວດກາ ແລະ ປະເມີນຜົນການນຳໃຊ້ເງິນຮ່ວງຕ່າງໆໃຫ້ມີປະສິດທິພາບສູງ ແລະ ຫາວິທີແກ້ໄຂ ຈຸດອອ່ນໃຫ້ທັນເວລາ.
ຄຸ້ມຄອງບັນຊີການເງິນ, ບັນຊີຊັບສີນ ແລະ ນຳໃຊ້ໃຫ້ມີປະສິດທິພາບ, ປະສິດທິຜົນສູງ.
ກຳນົດແຜນເຄື່ອນໄຫວ, ການແບ່ງງານ, ກວດກາ, ຕີລາຄາ ປະເມີນຜົນຄຸນນະພາບຂອງພະນັກງານຂອງຕົນເປັນປະຈຳ.
ນຳໃຊ້ບັນດາເຄື່ອງມື, ອຸປະກອນ, ພາຫະນະ ແລະ ອື່ນໆທີ່ຢູ່ໃນຄວາມຮັບຜິດຊອບຂອງຕົນ.
ສັ່ງຈ່າຍເງິນຄັງສຸກເສີນໃນວຽກງານທີ່ເລັ່ງດ່ວນບໍ່ກາຍ 1.000.000 ກີບ ແລ້ວສ້າງເອກະສານສະເໜີ ຂໍອະນຸມັດຄືນຕາມລະບຽບຫຼັກການ.
ຊີ້ນຳພາກສ່ວນຕ່າງໆປະຕິບັດລະບຽບດ້ານການເງິນ, ແຜນງົບປະມານຂອງກະຊວງການເງິນ ແລະ ຂໍ້ຕົກລົງເປັນເອກະພາບຂອງຄະນະບໍດີໃຫ້ຖືກຕ້ອງ.
ປະຕິບັດໜ້າທີ່ອື່ນໆ ຕາມການມອບໝາຍຂອງຄະນະບໍດີ.

ຂອບເຂດສິດ

ມີສິດຈ່າຍເງິນຄັງສຸກເສີນໃນວຽກງານທີ່ເລັ່ງດ່ວນບໍ່ກາຍ 1,000,000 ກີບ ແລ້ວສ້າງເອກະສານສະເໜີ ຂໍອະນຸມັດຄືນຕາມລະບຽບຫຼັກການ.
ຕິດຕາມ, ກວດກາ, ຊຸກຍູ້ ແລະ ສ້າງເງື່ອນໄຂອໍານວຍຄວາມສະດວກໃຫ້ແກ່ການຈັດຕັ້ງປະຕິບັດແລະສົ່ງເສີມວຽກງານການເງິນຕາມຄວາມຮັບຜິດຊອບ.
ຄົ້ນຄວ້າ ແລະ ແບ່ງງານໃຫ້ບຸກຄະລາກອນພາຍໃນພະແນກໃຫ້ເໝາະສົມຕາມຄວາມສາມາດ ແລະ ວຸດທິ
ຄົ້ນຄວ້າ ແລະ ສະເໜີການຍ້ອງຍໍໃຫ້ບຸກຄະລາກອນພາຍໃນພະແນກຜູ້ທີ່ເຮັດວຽກດີເດັ່ນ ຫຼື ປະຕິບັດວິໃນຕໍ່ຜູ້ກະທໍາຜິດລະບຽບກົດໝາຍ.
ສະເໜີເຮັດແຈ້ງການ ແລະ ປະສານງານກັບທຸກພາກສ່ວນທີ່ກ່ຽວຂ້ອງຕາມພາລະບົດບາດ.
ຄົ້ນຄວ້າ ແລະ ສະເໜີທາງຂັ້ນເທິງເພື່ອຂໍອະນຸມັດລາພັກປະຈໍາປີໃຫ້ພະນັກງານພາຍໃນພະແນກ ໃນກໍລະນີພະນັກງານຕ້ອງ ການລາພັກປະຈໍາປີ.
ຄົ້ນຄວ້າ ແລະ ສະເໜີອອກຂໍ້ຕົກລົງແຕ່ງຕັ້ງຄະນະຮັບຜິດຊອບວຽກງານສະເພາະກິດພາຍໃນພະແນກ ຫຼື ສະເໜີແຕ່ງຕັ້ງພະນັກງານຂອງພະແນກເຮັດວຽກຮີບດ່ວນນອກໂມງລັດຖະການຕາມລະບຽບຫຼັກການ.
ເຊັນຢັ້ງຢືນເອກະສານການເງິນຕ່າງໆທີ່ກ່ຽວຂ້ອງ.
ປະຕິບັດວຽກງານອື່ນໆຕາມການມອບໝາຍຂອງຄະນະບໍດີ.