1. ຊື່ຫຼັກສູດ
- ພາສາລາວ: ຫຼັກສູດປະລິນຍາຕີວິທະຍາສາດ ສາຂາເຄມີສາດ
- ພາສາອັງກິດ: Bachelor of Science Program in Chemistry
2. ຊື່ປະກາສະນີຍະບັດ
- ພາສາລາວ: ປະລິນຍາຕີວິທະຍາສາດ ສາຂາເຄມີສາດ
- ພາສາອັງກິດ: Bachelor of Science in Chemistry
3. ໜ່ວຍງານຮັບຜິດຊອບ
ມະຫາວິທະຍາໄລແຫ່ງຊາດ, ຄະນະວິທະຍາສາດທຳມະຊາດ, ພາກວິຊາເຄມີສາດ
ເບີໂທລະສັບ 02056995449, 02055669799, 02098104761 ເບີໂທລະສານ 021770173
4. ປັດຊະຍາ
ເພື່ອປະຕິບັດຕາມແຜນຍຸດທະສາດການພັດທະນາເສດຖະກິດ-ສັງຄົມແຫ່ງຊາດຂອງລັດຖະບານແຫ່ງ ສປປລາວ ໂດຍສະເພາະແມ່ນການບຸກທະລຸທາງດ້ານການພັດທະນາຊັບພະຍາກອນມະນຸດໃຫ້ປະກົດຜົນເປັນຈິງ. ການປັບປຸງຫຼັກສູດໃໝ່ໃຫ້ມີຄຸນນະພາບ ແລະ ສອດຄ່ອງກັບແຜນພັດທະນາເສດຖະກິດ-ສັງຄົມແຫ່ງຊາດແມ່ນມີຄວາມຈຳເປັນເພາະຈະໄດ້ກໍ່ສ້າງນັກວິຊາການໃນສາຂາເຄມີສາດໃຫ້ມີຄວາມພ້ອມທາງດ້ານຄວາມຮູ້-ຄວາມສາມາດ, ມີຄວາມຊຳນານໃນດ້ານວິຊາການວິໄຈເຄມີ, ມີຈັນຍາບັນ ແລະ ສິນທຳປະຕິວັດ ແລະ ໃຫ້ກາຍເປັນຊັບພະຍາກອນມະນຸດຂອງຊາດທີີ່ມີຄຸນນະພາບ ເພື່ອຕອບສະໜອງຄວາມຮຽກຮ້ອງຕ້ອງການຂອງຕະຫຼາດແຮງງານໃນຂອບເຂດທົ່ວປະເທດ, ພາກພື້ນ ແລະ ສາກົນ.
5. ຈຸດປະສົງຂອງຫຼັກສູດ
- ເພື່ອສ້າງບຸກຄະລາກອນໃຫ້ກາຍເປັນນັກວິຊາການທາງດ້ານເຄມີສາດທີ່ມີຄວາມຮູ້, ຄວາມສາມາດທີ່ໜັກແໜ້ນທັງທາງທິດສະດີ, ການປະຕິບັດຕົວຈິງ, ມີທັກສະໃນການຄົ້ນຄວ້າວິໄຈ ແລະ ການແກ້ໄຂບັນຫາ ໂດຍມີຄວາມຮັບຜິດຊອບຕໍ່ສັງຄົມ.
- ເພື່ອສ້າງໃຫ້ນັກສຶກສາມີທັກສະໃນການເຮັດວຽກງານວິໄຈທາງເຄມີ ແລະ ມີຄວາມສາມາດພຽງພໍໃນການປະກອບອາຊີບເປັນນັກວິຊາການຢູ່ໃນຂະແໜງການຕ່າງໆ ເຊັ່ນ: ອຸດສາຫະກຳປຸງແຕ່ງອາຫານ-ຢາ, ບໍ່ແຮ່, ເປັນຄູສອນ ແລະ ອື່ນໆ. ນອກຈາກນັ້ນ ຍັງສາມາດໄປສຶກສາຕໍ່ໃນລະດັບສູງ ໃນສາຂາວິຊາຕ່າງໆທີ່ກ່ຽວຂ້ອງ.
- ເພື່ອສ້າງບຸກຄະລາກອນຂອງຊາດໃຫ້ມີແນວຄິດ, ຄຸນສົມບັດສິນທຳປະຕິວັດໃນການປະກອບອາຊີບ, ຮູ້ຮັກສາມັກຄີເພືອນຮ່ວມງານ-ອົງກອນ ແລະ ຮັກສາຮີດຄອງອັນດີງາມຂອງຊາດ.
6. ຜົນການຮຽນຮູ້ ແລະ ອາຊີບທີ່ສາມາດປະກອບໄດ້ພາຍຫຼັງສຳເລັດການສຶກສາ
6.1 ຜົນການຮຽນຮູ້
ພາຍຫຼັງສຳເລັດການສຶກສາໃນຫຼັກສູດສາຂາວິຊານີ້ແລ້ວນັກສຶກສາຈະສາມາດ:
ດ້ານຄວາມຮູ້:
- ອະທິບາຍ ແລະ ຈຳແນກບັນດາທິດສະດີ, ຫຼັກການ ແລະ ພາກປະຕິບັດຕົວຈິງ.
- ເຊື່ອມໂຍງທິດສະດີ, ຫຼັກການ ແລະ ພາກປະຕິບັດຕົວຈິງເຂົ້າດ້ວຍກັນຢ່າງເປັນລະບົບ.
ດ້ານທັກສະ:
- ແກ້ໄຂບັນຫາທາງເຄມີໄດ້ຢ່າງມີລະບົບໂດຍໃຊ້ຫຼັກການ ແລະ ທິດສະດີທາງເຄມີພື້ນຖານທີ່ກ່ຽວຂ້ອງກັບທາດ ແລະ ຂະບວນການຕ່າງໆທີ່ເກີດຂຶ້ນ ຕັ້ງແຕ່ລະດັບອະຕອມ, ໂມເລກຸນ ຈົນເຖິງທາດໃນລະດັບມະຫາພາກ ລວມເຖິງຫຼັກຖານທາງວິທະຍາສາດໄດ້ຢ່າງຖືກຕ້ອງຄົບຖ້ວນ, ເໝາະສົມ ບົນພື້ນຖານຂອງຈັນຍາບັນທາງວິຊາການ.
- ດຳເນີນການທົດລອງໂດຍໃຊ້ເຄື່ອງມື, ອຸປະກອນ, ວັດສະດຸ ແລະ ທາດເຄມີ ທີ່ກ່ຽວຂ້ອງກັບວິຊາການດ້ານເຄມີໄດ້ຢ່າງຖືກຕ້ອງຕາມຈຸດປະສົງຂອງໜ້າວຽກ ລວມເຖິງຄວາມປອດໄພຕາມມາດຕະຖານຫ້ອງທົດລອງ.
ດ້ານການນຳໃຊ້:
- ສ້າງຜົນງານວິໄຈ ຫຼື ຜົນງານທາງວິຊາການດ້ານເຄມີ ໃຫ້ເປັນທີ່ຮັບຮູ້ຕໍ່ສັງຄົມໂດຍໃຊ້ລະບຽບວິທີວິໄຈຕາມຈັນຍາບັນທາງວິຊາການ.
- ສື່ສານຄວາມຮູ້ທາງເຄມີ ແລະ ວິທະຍາສາດທົ່ວໄປ ໂດຍໃຊ້ທັກສະທັງພາສາລາວ ແລະ ພາສາອັງກິດໄດ້ຢ່າງມີປະສິດຕິພາບ, ເພື່ອແລກປ່ຽນ, ວິພາກວິຈານຂໍ້ມູນ, ສະແດງຄວາມຄິດເຫັນ ແລະ ນໍາສະເໜີຜົນງານ ໃຫ້ແທດເໝາະກັບໜ້າວຽກທີ່ຕົນເອງຮັບຜິດຊອບ.
ດ້ານທັກສະທາງສັງຄົມ:
- ເຮັດວຽກເປັນໝູ່ຄະນະໄດ້ຢ່າງມີປະສິດຕິພາບ ຕາມພາລະບົດບາດ ແລະ ໜ້າທີ່ນັກວິທະຍາສາດດ້ານເຄມີຢ່າງເໝາະສົມ ແລະ ຍອມຮັບໃນຄວາມແຕກຕ່າງລະຫວ່າງບຸກຄົນ.
- ນຳເອົາຄວາມຮູ້ຂັ້ນພື້ນຖານຂອງລະດັບປະລິນຍາຕີເພື່ອການສ້າງສັນຜົນງານວິໄຈ ຫຼື ຜົນງານວິຊາການດ້ານເຄມີໃຫ້ເປັນທີ່ຍອມຮັບໃນລະດັບປະເທດ, ພາກພື້ນ ແລະ ສາກົນ ເພື່ອຮັບໃຊ້ສັງຄົມ.
6.2 ອາຊີບທີ່ສາມາດປະກອບໄດ້ ພາຍຫຼັງສຳເລັດການສຶກສາ
ຮຽນຈົບຫຼັກສູດປະລິນຍາຕີສາຂາເຄມີສາດສາມາດປະກອບອາຊີບໄດ້ດັ່ງນີ້:
- ອາຊີບດ້ານວິຊາການ ແລະ ການວິໄຈ ເຊັ່ນ: ນັກວິໄຈເຄມີ, ນັກວິຊາການດ້ານເຄມີ ແລະ ຄູອາຈານ.
- ອາຊີບພະນັກງານລັດ ໃນໜ່ວຍງານອົງການຂອງລັດທີ່ກ່ຽວຂ້ອງກັບຂະແໜງການເຄມີທັງໃນຂັ້ນເມືອງ,ແຂວງ ແລະ ກະຊວງຕ່າງໆ ເຊັ່ນ: ກະຊວງວິທະຍາສາດ ແລະ ເຕັກໂນໂລຊີ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງພະລັງງານ ແລະ ບໍ່ແຮ່, ກະຊວງສາທາລະນະສຸກ, ກະຊວງອຸດສາຫະກຳ ແລະ ການຄ້າ ຫຼື ໃນສະຖາບັນການສຶກສາລະດັບຕ່າງໆ.
- ອາຊີບໃນແວດວົງທຸລະກິດ ເຊັ່ນ: ອຸດສາຫະກຳເຄມີປຸງແຕ່ງອາຫານ, ເຄື່ອງດື່ມ, ຢາ, ຜະລິດຕະພັນເຄື່ອງໃຊ້ຕ່າງໆ, ທີ່ປຶກສາທາງດ້ານເຄມີ, ອອກແບບຫ້ອງທົດລອງ, ຈຳໜ່າຍອຸປະກອນທົດລອງ-ທາດເຄມີ ແລະ ອື່ນໆ.
7. ການກຳນົດການເປີດສອນ
ຫຼັກສູດດັ່ງກ່າວນີ້ຈະເປີດສອນໃນສົກສຶກສາ 2020-2021 ເປັນຕົ້ນໄປ ໃນພາກວິຊາເຄມີສາດ, ຄະນະວິທະຍາສາດທຳມະຊາດ, ມະຫາວິທະຍາໄລແຫ່ງຊາດ. ຈະຈັດຕັ້ງການຮຽນ-ການສອນຈົບ 2-3 ຮຸ່ນຈຶ່ງຈະມີການປະເມີນຄືນ ເພື່ອປັບປຸງໃຫ້ແທດເໝາະກັບສະພາບຄວາມເປັນຈິງຂອງການພັດທະນາເສດຖະກິດ-ສັງຄົມຂອງປະເທດ. ຫຼັກສູດດັ່ງກ່າວສາມາດປັບປຸງ ແລະ ປ່ຽນແປງຕາມລະບົບການສຶກສາ.
8. ຄາດຄະເນແຜນການຮັບນັກສຶກສາ
ແຜນຄາດຄະເນຮັບນັກສຶກສາຫຼັກສູດລະດັບປະລິນຍາຕີສາຂາເຄມີສາດ ມີດັ່ງນີ້:
| ສົກຮຽນ | ຈຳນວນນັກສຶກສາ (ຄົນ) | ຈຳນວນລວມ | ຄາດຄະເນຈຳນວນ ນັກສຶກສາຮຽນຈົບ |
|||
| ປີ 1 | ປີ 2 | ປີ 3 | ປີ 4 | |||
| 2020-2021 | 40 | 00 | 00 | 00 | 40 | 00 |
| 2021-2022 | 40 | 40 | 00 | 00 | 80 | 00 |
| 2022-2023 | 40 | 40 | 40 | 00 | 120 | 00 |
| 2023-2024 | 40 | 40 | 40 | 40 | 160 | 40 |
9. ຄຸນສົມບັດຂອງນັກສຶກສາ
ຜູ້ທີ່ຈະສະໝັກເຂົ້າສຶກສາໃນຫຼັກສູດປະລິນຍາຕີສາຂາເຄມີສາດ, ມະຫາວິທະຍາໄລແຫ່ງຊາດ ຕ້ອງມີເງື່ອນໄຂດັ່ງນີ້:
- ສຳຫຼັບນັກຮຽນ:
- ມີປະກາສະນີຍະບັດ ແລະ ໃບຄະແນນຈົບມັດທະຍົມສຶກສາຕອນປາຍ
- ຜ່ານການສອບເສັງຄັດເລືອກຕາມລະບຽບການ ຂອງມະຫາວິທະຍາໄລແຫ່ງຊາດ
- ມີສຸຂະພາບແຂງແຮງດີ
- ມີຄຸນສົມບັດດີ
- ປະຕິບັດຕາມເງື່ອນໄຂອື່ນໆ ທີ່ທາງມະຫາວິທະຍາໄລແຫ່ງຊາດກຳນົດ
- ສຳຫຼັບພະນັກງານ:
- ມີປະກາສະນີຍະບັດ ແລະ ໃບຄະແນນຈົບວິຊາສະເພາະຊັ້ນກາງ
- ຜ່ານການສອບເສັງຄັດເລືອກຕາມລະບຽບການ ຂອງມະຫາວິທະຍາໄລແຫ່ງຊາດ
- ມີສຸຂະພາບແຂງແຮງດີ
- ມີຄຸນສົມບັດດີ
- ໄດ້ຮັບການອະນຸມັດ ແລະ ເຫັນດີຈາກການຈັດຕັ້ງທີ່ກ່ຽວຂ້ອງ
- ປະຕິບັດຕາມເງື່ອນໄຂອື່ນໆ ທີ່ທາງມະຫາວິທະຍາໄລແຫ່ງຊາດກຳນົດ
1o. ວິທີຄັດເລືອກຜູ້ເຂົ້າສຶກສາ
ແມ່ນອີງຕາມຂໍ້ກຳນົດຂອງມະຫາວິທະຍາໄລແຫ່ງຊາດ, ຜູ້ທີ່ມີມາດຖານຖືກຕ້ອງຕາມທີ່ກຳນົດໄວ້ໃນຂໍ້ 9 ຕ້ອງໄດ້ຍື່ນຄຳຮ້ອງເພື່ອສອບເສັງຄັດເລືອກເຂົ້າໃນແຕ່ລະຕົ້ນສົກຮຽນໂດຍມີຄະນະກຳມະການສອບເສັງຄັດເລືອກຈາກ ມຊ. ສົມທົບກັບກົມການສຶກສາຊັ້ນສູງ ກະຊວງສຶກສາທິການ ແລະ ກິລາ ເພື່ອຄັດເລືອກ.
11. ການຈັດຕັ້ງການຮຽນ-ການສອນ
ອີງຕາມຂໍ້ກຳນົດຂອງມະຫາວິທະຍາລແຫ່ງຊາດ.
ຫຼັກສູດປະລິນຍາຕີວິທະຍາສາດສາຂາເຄມີສາດແມ່ນຈະສອນແບບເຕັມເວລາຕາມລະບົບໜ່ວຍກິດ ດັ່ງນີ້:
- ໜຶ່ງສົກຮຽນແບ່ງເປັນ 2 ພາກຮຽນ (ມີພັກທ້າຍປີຮຽນ)
- ໜຶ່ງພາກຮຽນມີ 20 ອາທິດ: ຮຽນຕົວຈິງ 16 ອາທິດ, ທວນຄືນ ແລະ ສອບເສັງພາກຮຽນ 2 ອາທິດ, ແຮວັນພັກຕ່າງໆ 1 ອາທິດ ແລະ ພັກພາກຮຽນ 1 ອາທິດ.
- ໜຶ່ງອາທິດຮຽນ 5 ວັນ (ຈັນ ຫາ ສຸກ), ຕ່ຳສຸດ 25 ຊົ່ວໂມງ ແລະ ສູງສຸດ 35 ຊົ່ວໂມງ (5 ຫາ 7 ຊົ່ວໂມງ/ມື້)
- ໜຶ່ງຊົ່ວໂມງຮຽນ 50 ນາທີ.
12. ໄລຍະເວລາການສຶກສາ
ຫຼັກສູດປະລິນຍາຕີວິທະຍາສາດ ສາຂາເຄມີສາດມີໄລຍະເວລາໃນການສຶກສາແບບເຕັມເວລາ ທັງໝົດ 4 ປີ (8 ພາກຮຽນ), ແລະສາມາດຮັກສາສະຖານະພາບໄດ້ຕື່ມອີກສູງສຸດ 2 ປີ (4 ພາກຮຽນ).
13. ການກຳນົດໜ່ວຍກິດໃນແຜນການຮຽນ-ການສອນ
13.1 ຈຳນວນໜ່ວຍກິດໃນແຕ່ລະໝວດວິຊາ
- ໝວດວິຊາຄວາມຮູ້ທົ່ວໄປ 17 ໜ່ວຍກິດ
- ໝວດວິຊາຄວາມຮູ້ພື້ນຖານວິຊາສະເພາະ 42 ໜ່ວຍກິດ
- ໝວດວິຊາສະເພາະ 69 ໜ່ວຍກິດ
3.1 ຮຽນຕົວຈິງ 63 ໜ່ວຍກິດ
3.2 ຂຽນບົດໂຄງການຈົບຊັ້ນ 06 ໜ່ວຍກິດ
- ໝວດວິຊາເລືອກ04 ໜ່ວຍກິດ
ລວມທັງໝົດ 132 ໜ່ວຍກິດ
13.2 ແຜນການຈັດຕັ້ງຮຽນ-ການສອນໃນແຕ່ລະປີ, ແຕ່ລະພາກຮຽນ
ປີທີ 1 ພາກຮຽນທີ 1
| ລ/ດ | ລະຫັດວິຊາ | ຊື່ວິຊາ | ຈຳນວນໜ່ວຍກິດ |
| 1 | 115LS101 | ລາວສຶກສາ 1 (Lao Studies 1) | 2(2-0-4) |
| 2 | 205ES101 | ພາສາອັງກິດສຳລັບວິທະຍາສາດ 1 (English for Science 1) | 2(0-4-2) |
| 3 | 145PY101 | ຈິດຕະວິທະຍາທົົ່ວໄປ (Psycology) | 2(2-0-4) |
| 4 | 205CA111 | ແຄນຄູລັສ 1 (Calculus 1) | 3(2-2-5) |
| 5 | 205SC111 | ຄວາມປອດໄພທາງເຄມີ (Safety in Chemistry) | 2(2-0-4) |
| 6 | 205CH111 | ເຄມີສາດ 1 (Chemistry 1) | 3(3-0-6) |
| 7 | 205CL111 | ທົດລອງເຄມີສາດ 1 (Chemistry Laboratory 1) | 1(0-2-1) |
| 8 | 205PH111 | ຟິຊິກສາດ 1 (Physics 1) | 3(2-2-5) |
| 9 | 205PL111 | ທົດລອງຟິຊິກສາດ 1 (Physics Laboratory 1) | 1(0-2-1) |
| ລວມ | 19(13-12-32) | ||
ປີທີ 1 ພາກຮຽນທີ 2
| ລ/ດ | ລະຫັດວິຊາ | ຊື່ວິຊາ | ຈຳນວນໜ່ວຍກິດ |
| 1 | 135LS102 | ລາວສຶກສາ 2 (Lao Studies 2) | 2(2-0-4) |
| 2 | 205ES102 | ພາສາອັງກິດສຳລັບວິທະຍາສາດ 2 (English for Science 2) | 2(0-4-2) |
| 3 | 205CF111 | ການນຳໃຊ້ຄອມພິວເຕີ້ພື້ນຖານ
(Fundamental Computer) |
3(2-2-5) |
| 4 | 205CH112 | ເຄມີສາດ 2 (Chemistry 2) | 3(3-0-6) |
| 5 | 205CL112 | ທົດລອງເຄມີສາດ 2 (Chemistry Laboratory 2) | 1(0-2-1) |
| 6 | 205PH112 | ຟິຊິກສາດ 2 (Physics 2) | 3(2-2-5) |
| 7 | 205PL112 | ທົດລອງຟິຊິກສາດ 2 (Physics Laboratory 2) | 1(0-2-1) |
| 8 | 205FS111 | ສະຖິຕິພື້ນຖານ (Fundamental Statistic) | 3(2-2-5) |
| 9 | 205EV121 | ເຄມີສິ່ງແວດລ້ອມ (Environmental Chemistry) | 2(2-0-4) |
| ລວມ | 20(13-14-33) | ||
ປີທີ 2 ພາກຮຽນທີ 1
| ລ/ດ | ລະຫັດວິຊາ | ຊື່ວິຊາ | ຈຳນວນໜ່ວຍກິດ |
| 1 | 205EL211 | ພາສາອັງກິດສຳລັບເຄມີສາດ 1
(English for Chemistry 1) |
2(0-4-2) |
| 2 | 205IN211 | ເຄມີອະນົງຄະທາດ 1 (Inorganic Chemistry 1) | 3(3-0-6) |
| 3 | 205IL211 | ທົດລອງເຄມີອະນົງຄະທາດ 1
(Inorganic Chemistry Laboratory 1) |
1(0-2-1) |
| 4 | 205PH211 | ເຄມີຟິຊິກ 1 (Physical Chemistry 1) | 3(3-0-6) |
| 5 | 205PL211 | ທົດລອງເຄມີຟິຊິກ 1
(Physical Chemistry Laboratory 1) |
1(0-2-1) |
| 6 | 205OR221 | ເຄມີອົງຄະທາດ 1 (Organic Chemistry 1) | 3(3-0-6) |
| 7 | 205OL221 | ທົດລອງເຄມີອົງຄະທາດ 1
(Organic Chemistry Laboratory 1) |
1(0-2-1) |
| 8 | 205IE221 | ເຄມີອຸດສາຫະກຳແລະສະພາບແວດລ້ອມ
(Industry and Environment Chemistry) |
2(2-0-4) |
| 9 | 205SF221 | ເຄມີດິນ ແລະ ປຸ໋ຍ
(Soil and Fertilizer Chemistry) |
2(2-0-4) |
| ລວມ | 18(13-10-31) | ||
ປີທີ 2 ພາກຮຽນທີ 2
| ລ/ດ | ລະຫັດວິຊາ | ຊື່ວິຊາ | ຈຳນວນໜ່ວຍກິດ |
| 1 | 205EL212 | ພາສາອັງກິດສຳລັບເຄມີສາດ 2
(English for Chemistry 2) |
2(0-4-2) |
| 2 | 205IN222 | ເຄມີອະນົງຄະທາດ 2 (Inorganic Chemistry 2) | 3(3-0-6) |
| 3 | 205IL222 | ທົດລອງເຄມີອະນົງຄະທາດ 2
(Inorganic Chemistry Laboratory 2) |
1(0-2-1) |
| 4 | 205OR222 | ເຄມີອົງຄະທາດ 2 (Organic Chemistry 2) | 3(3-0-6) |
| 5 | 205OL222 | ທົດລອງເຄມີອົງຄະທາດ 2
(Organic Chemistry Laboratory 2) |
1(0-2-1) |
| 6 | 205PH222 | ເຄມີຟິຊິກ 2 (Physical Chemistry 2) | 3(3-0-6) |
| 7 | 205PL222 | ທົດລອງເຄມີຟິຊິກ 2
(Physical Chemistry Laboratory 2) |
1(0-2-1) |
| 8 | 205BC211 | ຊີວະເຄມີ 1 (Biochemistry 1) | 3(2-2-5) |
| 9 | 015ND201 | ສຶກສາປ້ອງກັນຕົວ (Defense Studies) | 3(0-2-7) |
| ລວມ | 20(11-14-35) | ||
ປີທີ 3 ພາກຮຽນທີ 1
| ລ/ດ | ລະຫັດວິຊາ | ຊື່ວິຊາ | ຈຳນວນໜ່ວຍກິດ |
| 1 | 205AN321 | ເຄມີວິເຄາະ 1 (Analytical Chemistry 1) | 3(3-0-6) |
| 2 | 205AL321 | ທົດລອງເຄມີວິເຄາະ 1
(Analytical Chemistry Laboratory 1) |
1(0-2-1) |
| 3 | 205RH321 | ວິທີການຄົ້ນຄວ້າ (Research Methodology) | 2(2-0-4) |
| 4 | 205PH323 | ເຄມີຟິຊິກ 3 (Physical Chemistry 3) | 2(2-0-4) |
| 5 | 205WQ321 | ວິເຄາະຄຸນະພາບນໍ້າ (Water Quality Analysis) | 2(2-0-4) |
| 6 | 205WL321 | ທົດລອງວິເຄາະຄຸນະພາບນໍ້າ
(Water Quality Analysis Laboratory) |
1(0-2-1) |
| 7 | 205SP321 | ສະເປັກໂຕຣສະໂກປີ (Spectroscopy) | 2(2-0-4) |
| 8 | 205CT321 | ໂຄຣມາໂຕກຣາຟີ (Chromatography) | 2(2-0-4) |
| 9 | 205FE321 | ເຄມີອາຫານ (Food Chemistry) | 2(2-0-4) |
| ລວມ | 17(15-4-32) | ||
ຫຼັງຈາກສອບເສັງພາກຮຽນ 1 ແລ້ວ ນັກສຶກສາຈະໄປທັດສະນະສຶກສາຕາມໂຮງງານຕ່າງໆ ທີ່ກ່ຽວຂ້ອງ ຕາມຄວາມເໝາະສົມ.
ປີທີ 3 ພາກຮຽນທີ 2
| ລ/ດ | ລະຫັດວິຊາ | ຊື່ວິຊາ | ຈຳນວນໜ່ວຍກິດ |
| 1 | 115HR303 | ມະນຸດສຳພັນ (Human Relation) | 2(2-0-4) |
| 2 | 205AN322 | ເຄມີວິເຄາະ 2 (Analytical Chemistry 2) | 3(3-0-6) |
| 3 | 205AL322 | ທົດລອງເຄມີວິເຄາະ 2
(Analytical Chemistry Laboratory 2) |
1(0-2-1) |
| 4 | 205SN321 | ສຳມະນາ 1 (Seminar in Chemistry 1) | 1(0-2-1) |
| 5 | 205IA321 | ວິເຄາະໂດຍໃຊ້ເຄື່ອງມື (Instrumental Analysis) | 3(3-0-6) |
| 6 | 205IL321 | ທົດລອງວິເຄາະໂດຍໃຊ້ເຄື່ອງມື
(Instrumental Analysis Laboratory) |
1(0-2-1) |
| 7 | 205ET321 | ພິດວິທະຍາສິ່ງແວດລ້ອມ (Environmental Toxicology) | 2(2-0-4) |
| 8 | 205EI321 | ການປະເມີນຜົນກະທົບສິ່ງແວດລ້ອມ
(Evironmental Impact Assessment) |
2(2-0-4) |
| 9 | 205PM321 | ເຄມີໂພລີເມີ (Polymer Chemistry) | 2(2-0-4) |
| 10 | 205PR321 | ຝຶກງານ ຫຼື ເຮັດບົດໂຄງການນ້ອຍ (Internship Program) | 1(0-0-3) |
| ລວມ | 18(14-6-34) | ||
ປີທີ 4 ພາກຮຽນທີ 1
| ລ/ດ | ລະຫັດວິຊາ | ຊື່ວິຊາ | ຈຳນວນໜ່ວຍກິດ |
| 1 | 115PO401 | ການເມືອງ (Politics) | 2(2-0-4) |
| 2 | 205SN422 | ສຳມະນາ 2 (Seminar in Chemistry 2) | 1(0-2-1) |
| 3 | 205OS421 | ສັງເຄາະອົງຄະທາດ (Organic Synthesis) | 2(2-0-4) |
| 4 | 205SA421 | ການວິເຄາະຂໍ້ມູນດ້ວຍໂປຣແກຣມສຳເລັດຮູບທາງສະຖິຕິ
(Statistic Analysis Tools) |
3(2-2-5) |
| 5 | 205NP421 | ເຄມີຜະລິດຕະພັນທຳມະຊາດ
(Natural Products Chemistry) |
2(2-0-4) |
| 6 | 205FP421 | ໂຄງການຈົບຊັ້ນ (Final Project) | 1(0-0-3) |
| 7 | XXXXXXX | ວິຊາເລືອກ (Selective Course) | 2(2-0-4) |
| 8 | ວິຊາເລືອກ (Selective Course) | 2(2-0-4) | |
| ລວມ | 15(12-4-29) | ||
ປີທີ 4 ພາກຮຽນທີ 2
| ລ/ດ | ລະຫັດວິຊາ | ຊື່ວິຊາ | ຈຳນວນໜ່ວຍກິດ |
| 1 | 205FP421 | ໂຄງການຈົບຊັ້ນ (Final Project) | 5(0-0-15) |
| ລວມ | 5(0-0-15) | ||
