Administrative Division

ຄວາມເປັນມາ

ພະແນກຈັດຕັ້ງ-ສັງລວມ ເປັນໜຶ່ງໃນພະແນກບໍລິຫານຂອງຄະນະວິຊາ, ຊຶ່ງມີທີ່ຕັ້ງຂຶ້ນກັບການຊີ້ນຳຂອງຄະນະບໍດີ ແລະ ຮອງຄະນະບໍດີຝ່າຍບໍລິຫານ.

ວິໄສທັດ

ໃຫ້ການບໍລິຫານ-ຄຸ້ມຄອງທີ່ມີຄຸນນະພາບ, ບໍລິການວ່ອງໄວ, ມີຄວາມຖືກຕ້ອງ ແລະ ມີຄວາມຮັບຜິດຊອບສຸງໃນການປະຕິບັດວຽກງານ.

ພາລະບົດບາດ

ເປັນເສນາທິການໃຫ້ແກ່ ຄະນະບໍດີ ແລະ ຮອງຄະນະບໍດີໃນວຽກງານຈັດຕັ້ງ ແລະ ຄຸ້ມຄອງພະນັກງານ, ວຽກງານບໍລິຫານ-ສັງລວມ, ວຽກງານພິທີການ, ເລຂານຸການ, ວຽກງານຄຸ້ມຄອງເຄຫະ ແລະ ບໍລິການ.

ໜ້າທີ່

ຄຸ້ມຄອງ ແລະ ປະເມີນຜົນງານລັດຖະກອນຄູ ແລະ ບໍລິຫານ.
ວາງແຜນ, ຄາດຄະເນຕົວເລກລັດຖະກອນ, ແຜນການກໍ່ສ້າງບຳລຸງ ແລະ ຍົກລະດັບພະນັກງານ, ລັດຖະກອນ ໄລຍະສັ້ນ ແລະ ໄລຍະຍາວ.
ສຶກສາ ແລະ ຄົ້ນຄ້ວາໂຄງປະກອບການຈັດຕັ້ງຂັ້ນຄະນະວິຊາ: ຂໍ້ກຳນົດ, ກົດລະບຽບ, ກົດໝາຍ ແລະ ລະບຽບກ່ຽວກັບການສຶກສາ ແລະ ກ່ຽວກັບລັດຖະກອນ.
ສະເໜີ ດັດແກ້, ເລື່ອນຊັ້ນ-ຂັ້ນ ເງິນເດືອນ, ການຍ້ອງຍໍຜົນງານ ແລະ ນະໂຍບາຍອຶ່ນໆໃຫ້ພະນັກງານ, ລັດຖະກອນ.
ປັບປຸງ ແລະ ຜະລິດແຜ່ນພັບ, ສື່ສິ່ງພິມໂຄສະນາ, ວີດີໂອໂຄສະນາຂໍ້ມູນຂອງຄະນະວິຊາ.
ສັງລວມແຜນການເຄື່ອນໄຫວ, ບົດສະຫຼຸບປະຈຳເດືອນ ແລະ ປະຈຳປີ ຂອງຄະນະວິຊາ.
ສ້າງແຜນ, ຈັດສັນການນຳໃຊ້ອຸປະກອນ ແລະ ພາຫະນະຮັບໃຊ້ຕ່າງໆ ຂອງຄະນະວິຊາ.
ສະເໜີນະໂຍບາຍວຽກງານປ້ອງກັນຄວາມສະຫງົບ.
ບໍລິຫານກອງປະຊຸມ, ພິທີກອນ, ພິທີການ ແລະ ການຈໍລະຈອນເອກະສານ ຂາເຂົ້າ-ຂາອອກ ຕ່າງໆຂອງຄະນະວິຊາ.
ສ້າງແຜ່ນປ້າຍຄຳຂວັນເພື່ອປະຊາສຳພັນ, ກະກຽມແຕ່ງເວທີກອງປະຊຸມ, ພິທີການຕ່າງໆ, ອາຄານສະຖານທ່ີ, ຮັບຜິດຊອບແສງສີ ແລະ ສຽງ.
ສະໜອງຂໍ້ມູນດ້ານຂ່າວສານໃຫ້ສື່ມວນຊົນ: ໜ່ວຍງານຂໍ້ມູນ ແລະ ຂ່າວສານຂອງຄະນະວິຊາ, ໜັງສືພິມ, ວິທະຍຸ ແລະ ໂທລະພາບ.
ຈັດຊື້, ຈັດຈ້າງຕ່າງໆຂອງຄະນະວິທະຍາສາດທຳມະຊາດ.
ສ້າງແຜນຄຸ້ມຄອງ ແລະ ບໍລິຫານ ສິ່ງອຳນວຍຄວາມສະດວກ ໃຫ້ແກ່ການຮຽນ-ການສອນ, ວຽກວິທະຍາເຂດ ແລະ ການສ້ອມແປງຕ່າງໆຂອງຄະນະວິຊາ.
ສະເໜີເບີກຈ່າຍງົບປະມານຮັບໃຊ້ວຽກງານການເຄື່ອນໄຫວຂອງຄະນະວິຊາ, ການຊື້ອຸປະກອນ ແລະ ເຄື່ອງໃຊ້ຕ່າງໆ ໃຫ້ຖືກຕາມລະບຽບການເງິນ.
ປະຕິບັດວຽກງານອື່ນໆຕາມການມອບໝາຍຂອງທ່ານຄະນະບໍດີ ແລະ ຮອງຄະນະບໍດີ.

ຂອບເຂດສິດ

ຈັດຕັ້ງປະຕິບັດການເຄື່ອນໄຫວວຽກງານ ຈັດຕັ້ງ ແລະ ຄຸ້ມຄອງພະນັກງານ, ວຽກງານບໍລິຫານ-ສັງລວມ ຕາມພາລະບົດບາດ.
ນຳໃຊ້ງົບປະມານ, ແຫຼ່ງລາຍຮັບຕ່າງໆ, ພາຫະນະ, ວັດຖຸອຸປະກອນ ແລະ ສະຖານທີ່ ພາຍໃຕ້ການຄຸ້ມຄອງຂອງຄະນະວິຊາ ທີ່ໄດ້ຮັບອະນຸມັດ ແລະ ຖືກຕ້ອງຕາມຂໍ້ກຳນົດ.
ພົວພັນກັບບັນດາພະແນກການ ແລະ ພາກວິຊາ ພາຍໃນຄະນະວິທະຍາສາດທຳມະຊາດ.