ກ່ຽວກັບ ຄະນະວິຊາ

ຄະນະວິທະຍາສາດທຳມະຊາດ ຫຼື ຂຽນຫຍໍ້ ຄວທ
ເປັນໜຶ່ງໃນ 13 ຄະນະວິຊາ ທີ່ຂຶ້ນກັບມະຫາວິທະຍາໄລແຫ່ງຊາດ. ຊຶ່ງມີສຳນັກງານຕັ້ງຢູ່ໃນວິທະຍາເຂດດົງໂດກ,
ບ້ານດົງໂດກ, ເມືອງໄຊທານີ, ນະຄອນຫຼວງວຽງຈັນ.
ມີໜ້າທີ່ຜັນຂະຫຍາຍ ແລະ ຈັດຕັ້ງປະຕິບັດ ຕາມວິໄສທັດ, ແຜນຍຸດທະສາດຂອງມະຫາວິທະຍາໄແຫ່ງຊາດ ພາຍໃຕ້ນະໂຍບາຍຂອງກະຊວງສຶກສາທິການ ແລະ ກິລາ ກໍ່ຄືລັດຖະບານ

ສະພາບໍລິຫານ

ສະພາບໍລິຫານ ເປັນອົງປະກອບທາງດ້ານກົງຈັກການຈັດຕັ້ງຂອງຄະນະວິທະຍາສາດທຳມະຊາດ, ມີພາລະບົດບາດ ຈັດຕັ້ງການຄົ້ນຄວ້າ ແລະ ຜັນຂະຫຍາຍນະໂຍບາຍ, ແຜນຍຸດທະສາດດ້ານການບໍລິຫານ, ກົງຈັກການຈັດຕັ້ງ, ແຜນກຳນົດພະນັກງານ, ການຄຸ້ມຄອງ, ພັດທະນາ ແລະ ຊຸກຍູ້ສົ່ງເສີມບຸກຄະລາກອນ ດ້ານການບໍລິຫານ ເພື່ອຕອບສະໜອງໃຫ້ກັບຄະນະວິຊາພາຍໃຕ້ການຊີ້ນຳຂອງທ່ານຄະນະບໍດີ

ສະພາວິຊາການ

ສະພາວິຊາການ ເປັນອົງປະກອບທາງດ້ານກົງຈັກການຈັດຕັ້ງຂອງຄະນະວິທະຍາສາດທຳມະຊາດ, ມີພາລະບົດບາດ ຄົ້ນຄວ້າ ແຜນພັດທະນາ ແລະ ປັບປຸງຫຼັກສູດ, ການຈັດຕັ້ງການຮຽນ-ການສອນ, ສື່ການສອນຕ່າງໆ, ການຄົ້ນຄວ້າວິທະຍາສາດ, ບໍລິການວິຊາການ, ຂໍ້ກຳນົດດ້ານວິຊາການ, ຢັ້ງຢືນເອກະສານວິຊາການ, ຄຸ້ມຄອງ ແລະ ຊຸກຍູ້ສົ່ງເສີມນັກວິຊາການເພື່ອຕອບສະໜອງໃຫ້ກັບຄະນະວິຊາພາຍໃຕ້ການຊີ້ນຳຂອງທ່ານຄະນະບໍດີ